3 mar 2012
DECÁLOGO DO ESTUDANTE
- A clase vaise a traballar. O teu lugar de traballo no colexio é a clase.
- O bo estudante pregunta sempre o que non entende. O profesor está para axudalo con gusto.
- Na casa estudia sempre á mesma hora e no mesmo sitio.
- Para empezar a estudar tes que estar en boas condicións físicas e mentais: motivado, descansado e concentrado.
- Utiliza para estudar os cinco días da semana de maneira regular. Os venres custa máis, pero pensa que quedarás libre do traballo durante a fin de semana.
- Adica ao estudo non menos de 90 minutos diariamente. Pero sempre ten en conta a túa capacidade e maneira de estudar.
- Ten preparado todo o material que necesites antes de empezar a estudar: libros, cadernos, libretas, papel, bolígrafo, dicionario...
- Ao empezar a estudar é importante, para concentrarte ben no traballo, decidir a hora de acabar o traballo que vas a realizar e cumprir o que tes previsto.
- Ten moi presente que estudar é un hábito e ata que non o teñas ben asimilado non podes facer excepcións. Tes que ser esixente contigo mesmo, non deixar as tarefas para máis tarde. Cun pouco de esforzo chegará un momento en que sentarte a estudiar serache tan familiar como as horas das comidas.
- Importantísimo: Estuda o tempo recomendado cada día en lugar de estudar moito en poucos días.
Escribe as dúas accións do Decálogo que máis che custa cumprir. Pon todo o teu empeño en conseguilo.
1º
|
Este curso conseguirei
|
2º
|
Este curso tamén serei capaz de
|
2 mar 2012
Noraboa!
A miña noraboa a: Alba, Ángel, Jorge e Javier por acertar correctamente á pregunta de Mar e Celeste. A máis rápida en respostar foi Alba, e fíxoo moi ben coa seguinte información:
“As Cataratas do Iguazú localízanse no Parque Nacional do Iguazú, (Brasil) e no Parque Nacional Iguazú (Arxentina). No continente de América: no subcontinente de América do Sur.
Como o propio nome xa di, as cataratas están formadas polas augas do río Iguazú.As Cataratas do Iguazú foron descubertas en 1542 por Don Álvar Núñez Cabeza de Vaca.
O Parque creouse en 1939 co propósito de administrar e protexer o manancial de auga que representa esta catarata e o conxunto do medio ambiente ao seu redor”
Alba, empeza xa a pensar nalgunha cuestión interesante que nos poida sorprender. Ánimo e a traballar!
Como o propio nome xa di, as cataratas están formadas polas augas do río Iguazú.As Cataratas do Iguazú foron descubertas en 1542 por Don Álvar Núñez Cabeza de Vaca.
O Parque creouse en 1939 co propósito de administrar e protexer o manancial de auga que representa esta catarata e o conxunto do medio ambiente ao seu redor”
Suscribirse a:
Entradas (Atom)